«Қазақстанның Даму Банкі» АҚ Астанада өткен Берн одағының отырысына қатысты. Іс-шараға 45 елден 236 делегат жиналды. Форум халықаралық қаржыландыру және инфрақұрылымды дамыту мәселелеріне арналды.
ҚДБ үшін кездесудің басты оқиғасы Корея сауданы сақтандыру корпорациясымен (K-SURE) Меморандумға қол қою болды. Келісім Корея технологиялары мен инвестицияларына байланысты Қазақстандағы жобаларды қаржыландыруға қаражат тарту үшін он-лендинг бағдарламасын іске қосуды көздейді.
Ынтымақтастықтың басым бағыттары ретінде логистика, энергетика, өңдеу өнеркәсібі және «жасыл» технологиялар айқындалды.
ҚДБ Басқарма төрағасы Марат Елібаев MLT комитетінің сессиясында сөз сөйлеп, тау-кен саласындағы саяси тәуекелдерді сақтандыру мәселесіне тоқталды. Ол Банктің инфрақұрылымдық және өңдеу жобаларына жеке инвестиция тартудағы рөлін атап өтті.
Сонымен қатар ҚДБ делегациясы жаңа инвестициялық мүмкіндіктерді талқылау үшін шетелдік экспорттық-кредиттік агенттіктермен келіссөздер жүргізді.
