Жасыл климат қоры | «Қазақстанның Даму банкі» АҚ

2024 жылы «Қазақстанның Даму Банкі» АҚ «Жасыл» және тұрақты қаржыландыру саясатын» әзірледі. Саясат жағдайларға байланысты «жасыл» облигациялар, әлеуметтік облигациялар және тұрақты облигациялар, кредиттер мен басқа да қаржы құралдарын («Тұрақты қаржыландыру құралдары») пайдалану саласындағы Банктің жалпы ережелерін, бағыттарын, негізгі қағидаттарын, мақсаттары мен міндеттерін айқындайды. Сондай-ақ, бұл саясат қолданыстағы Банктің тұрақты даму саласындағы саясаты аясында БҰҰ-ның Тұрақты даму мақсаттарына қол жеткізуді толықтырады, қолдайды және ықпал етеді. Халықаралық капитал нарығы қауымдастығы мен Қарыз нарығы қауымдастығы (сәйкесінше GBP7, SBP8, SBG9, GLP10 и SLP11 ) басқаратын Жасыл облигациялар қағидаттарына, Әлеуметтік облигациялар қағидаттарына, Тұрақты облигациялар нұсқаулығына, Жасыл қарыз қағидаттарына және Әлеуметтік қарыз қағидаттарына сәйкес, Банктің тұрақты қаржыландыру құралдарын пайдаланумен байланысты әрбір мәмілесінде алты негізгі компонент бар:

түскен қаражаттың мақсатты пайдаланылуы,
жобаларды бағалау және іріктеу процесі,
түсімдерді басқару,
экологиялық, әлеуметтік және корпоративтік басқару (ESG) қағидаттарына сәйкестік,
басқа кредиторлармен бірлесіп қаржыландыру,
есептілік.

«Жасыл» және тұрақты қаржыландыру саласындағы саясат ESG-Citibank жөніндегі кеңесшілерімен бірлесіп әзірленді

Екінші Тараптың қорытындысы Sustainable Fitch халықаралық агенттігінен, сондай-ақ «Астана» халықаралық қаржы орталығының жасыл қаржы орталығынан алынды.

Саясат «жасыл» және тұрақты қаржы құралдары саласындағы халықаралық инвесторлардың талаптарына сәйкес келтірілген, атап айтқанда жобаларды «жасыл» Қаражатты пайдалану: "жасыл" жобалар санаттары және әлеуметтік қаржыландырудың халықаралық стандарттарына сәйкестігіне бағалау критерийлерін қамтиды, оның ішінде:

Қаражатты пайдалану: «жасыл» жобалар санаттары

Қаражатты пайдалану: әлеуметтік жобалар санаттары

Банк энергетика секторындағы инфрақұрылымдық жобаларды қаржыландыруға белсенді қатысады. Мысалы, 2023 жылғы наурызда банк Қазақстандық қор биржасында 3 жыл мерзімге және TONIA Compounded+2% өзгермелі сыйақы мөлшерлемесімен 10 млрд теңге сомасына дебюттік «жасыл» облигациялар шығарды. Шығарылым арқылы тартылған қаражат «KEGOC филиалдарының 220-500 кВ әуе желілерін қайта жаңарту «Ақтөбе ЖЭЖ», «Сарбай ЖЭЖ», «Батыс ЖЭЖ» және «Қазақстан БЭЖ Батыс аймағының электр желісін күшейту. Электр желілік объектілерін салу» инвестициялық жобаларын қаржыландыруға бағытталды. Бұл «KEGOC» АҚ-ға облигациялық қарыз беру арқылы батыс өңірлерді энергожүйенің тиімділігін және электрмен жабдықтау сенімділігін жақсартуға бағытталған.
Энергия тиімді жобаларды іске асыру мақсатында ҚДБ жоспарларында Азия Даму Банкімен және Еуропалық Қайта Құру және Даму банкімен бірлесіп, «Алматы электр станциялары АҚ қаржыландыру бар. Қаражат Алматы ЖЭО-2-ні жаңғыртуға бағытталатын болады, бұл Алматының энергетикалық инфрақұрылымын жақсартуға, станцияның энергия тиімділігін, сенімділігін және экологиялық тұрақтылығын арттыруға мүмкіндік береді. ЖЭО-2-ні көмірден табиғи газға ауыстыру парниктік газдар шығарындыларын азайтады, экологиялық жүктемені айтарлықтай төмендетеді.
Сонымен қатар, энергетикалық ауысу шеңберінде банк жаңартылатын энергетика саласындағы бастамаларды белсенді қолдайды, өйткені олар неғұрлым таза және тұрақты энергия көздеріне көшу үшін негіз болып табылады.
Қазіргі уақытта жаңартылатын энергетиканың ұлттық қуаттылығының шамамен 24%-ы Қазақстанның Даму Банкінің қолдауымен іске асырылды. Бұл жобалардың жалпы белгіленген қуаты 709,8 МВт құрайды, оның ішінде суэлектрстанциялар – 40 МВт, күн – 220 МВт, жел – 449,8 МВт. Мысалы, «Қазақстанның Даму Банкі» АҚ қаржылық қолдауымен іске қосылған «Шығыс Қазақстан облысында қуаты 24,9 МВт Тұрғысын СЭС құрылысы» жобасын атап өтуге болады. Тұрғысын СЭС өңірдегі электр энергиясына сұранысты қанағаттандырып, оның тапшылығын жылына 62 млн киловатт сағатқа қысқартып отыр және оң экономикалық әсер етеді.
Күн және жел электр станциялары сияқты жаңартылатын энергия көздеріне, сондай-ақ энергия тиімділігін арттыру технологиясына инвестициялар тұрақты дамуға қол жеткізудің негізгі бағыттары болып табылады. Бұл инвестициялар көміртегі шығарындыларын азайтуға, қазба энергия көздеріне тәуелділікті азайтуға және жұмыс орындарын құруға ықпал етеді.

Біз Жасыл климат қоры қаржыландыратын барлық жобалар мен бағдарламаларда жобалар бойынша шағым беру тетігі енгізілетініне кепілдік береміз. Бұл тетік жобадан немесе бағдарламадан зардап шеккен азаматтардың шағымдарын бағалап, өміршеңдік шешімдер ұсыну арқылы мәселелерді қанағаттандыруға бағытталған. Жасыл климат қоры қаржыландыратын жобалар аясында Банк азаматтардың шағымдарын қабылдауға және шешуге ұмтылады. Егер жоба немесе бағдарламаға қатысты шағымдар туындаса, төмендегі тәсілдер арқылы Банкке немесе жобаны жүзеге асырушы ұйымдарға хабарласуға болады:

1)Банктің ресми веб-сайтында көрсетілген ақпаратқа сәйкес жедел желіге қоңырау шалу;

2)info@kdb.kz электрондық поштасына хат жолдау.

Экология және әлеуметтік мәселелерге қатысты шағымдар жауапты құрылымдық бөлімшетарапынан қаралатын болады.