«Банк Қазақстанның өңдеу өнеркәсібі мен инфрақұрылымындағы жобаларды қаржыландыру үшін жаңа инвестициялар тарту мақсатында халықаралық әріптестікті кеңейтуді жалғастыруда. Банктің Қытай институттарымен ынтымақтастығы табысты тәжірибеге ие және біздің еліміздің экономикасына металлургия, мұнай өңдеу және басқа да салалардағы жаңа жобалар түрінде пайда әкелді. Green Investment Principles ұйымына қосылу «жасыл» жобаларды қаржыландыруға жәрдемдеседі, бұл бүгінгі таңда ел үшін маңызды басымдықтардың бірі», - деп бөлісті ҚДБ Басқарма төрағасы Марат Елібаев.
Green Investment Principles тең төрағасы Ма Джун ҚДБ-ға «жасыл» инвестициялар қағидаттарына қызығушылық танытқаны және қосылғаны үшін алғыс білдіріп, GIP-ке мүшелік «жасыл» жобаларды іске асыру капиталына, тренингтер мен семинарларды қоса алғанда, адам әлеуетін дамыту жөніндегі іс-шараларға, сондай-ақ GIP қағидаттарын іске асыру құралдары мен кейстеріне қолжетімділікті ашатынын атап өтті.
ҚДБ өкілдерінің Қытай Мемлекеттік Даму Банкімен, Bank of Сhina, Export-Import Bank of China (Exim Bank), China Export & Credit Insurance Corporation (Sinosure), сондай-ақ China Power International Holding Ltd жел энергетикасы саласындағы озық компаниясымен кездесулер өткізілді, олардың аясында Қазақстанның өңдеу өнеркәсібі мен инфрақұрылымындағы жобаларды қолдау бойынша ынтымақтастықтың ағымдағы жай-күйі мен перспективалары талқыланды. Естеріңізге сала кетейік, ҚДБ EximBank және Sinosure қатысатын жобаларды да қаржыландырды.
