«Қазақстанның Даму Банкі» АҚ («Бәйтерек» холдингінің еншілес құрылымы) Green Investment Principles мүшесі ретінде Гонконгта Capacity-building Alliance for Sustainable Investment (CASI) Халықаралық ынтымақтастық ұйымының алаңында өткен «Тұрақты қамтамасыз ету үшін мүмкіндіктерді кеңейту: тұрақты инвестициялар үшін инновациялық қаржылық шешімдер» форумына қатысты.
ҚДБ басқарушы директоры Дина Жанәділ «Инфрақұрылымдық жобаларды көміртексіздендірудегі аралас қаржыландырудың рөлі» панельдік сессиясында сөз сөйлеп, Банктің «жасыл» және тұрақты қаржыландыру саласындағы жетістіктері туралы айтты.
«2024-2033 жылдарға арналған жаңа ұзақ мерзімді стратегияға сәйкес Банк жоғары әлеуметтік-экономикалық әсері бар өңдеуші өнеркәсіп жобаларын қаржыландыру және елдің тұрақты инфрақұрылымдық дамуына жәрдемдесу арқылы экономикаға салымды ұлғайтуға бағытталған», - деп атап өтті Дина Жанәділ.
