Банк Басқармасының құрамы

1984 жылдың 2 маусымында дүниеге келді
Азаматтығы: Қазақстан Республикасы

Білімі:
2005 жылы Т. Рысқұлов атындағы Қазақ экономикалық университетін «Қаржы және бухгалтерлік есеп» мамандығы бойынша үздік бітірген. 2004 жылы Халықаралық бизнес академиясында оқыды, мамандануы – MBA бағдарламасының басқару модулі (кәсіби менеджер). 2008-2009 жылдары «Болашақ» халықаралық бағдарламасы аясында London Business School-да оқу курсын өтті, онда ол Қаржы (корпоративтік қаржы) магистрі дәрежесін алды. 

Еңбек қызметі туралы мәліметтер:
Марат Елібаев кәсіби қызметін 2004 жылы Deloitte «үлкен төрттік» компаниясында аудитор және аға аудитор лауазымынан бастады, онда ол металлургия, тау-кен өндіру өнеркәсібі, мұнай және газ, көлік және логистика, сондай-ақ мемлекеттік компаниялар салаларындағы жобалардың аудитін жүргізді. 

• 2007 жылдан бастап 2010 жылға дейін PricewaterhouseCoopers компаниясында Қосылу және жұтылу бөлімінің менеджері лауазымында қызмет жолын жалғастырды. 
• 2010-2014 жылдары CITIC Kazyna Investment Fund I L.P. компаниясында инвестициялық директор/вице-президент лауазымын атқарды.
• 2014 жылдан бастап Еуропа қайта құру және даму банкінің (ЕҚДБ) Еуразия, Орта Шығыс және Африка Энергетика департаментінің бас банкирі лауазымын атқарды, онда Қазақстандағы жаңартылатын энергия көздері бойынша ЕҚДБ бағдарламасын дамытуға жауапты болды.
• 2022 жылдың ақпанынан 2023 жылдың желтоқсанына дейін «Қазақстанның Даму Банкі» АҚ Басқарма төрағасының орынбасары лауазымын атқарды.

«Қазақстанның Даму Банкі» АҚ Жалғыз акционерінің 2023 жылғы 4 желтоқсандағы шешімімен Банктің Басқарма төрағасы қызметіне тағайындалды.

Банк қызметіне жалпы басшылықты жүзеге асырады, Басқарма төрағасының орынбасарларына жетекшілік етеді.

«Қазақстанның Даму Банкі» АҚ акцияларына иелік етпейді және үлестес компаниялардың, компанияның өнім берушілері мен бәсекелестерінің тиесілі акцияларының үлесі жоқ.

1985 жылдың 10 маусымында дүниеге келді  
Азаматтығы: Қазақстан Республикасы

Білімі:

2007 жылы Е.А. Бөкетов атындағы Қарағанды мемлекеттік университетін «Қаржы» мамандығы бойынша бітірген.

Еңбек қызметі туралы мәліметтер:

• 2007-2015 жылдар аралығында «Қазкоммерцбанк» АҚ-ның Ақмола филиалында маман, «Темірбанк» АҚ-ның Қарағанды филиалында шағын және орта бизнес бөлімінің бас маманы, «Цеснабанк» АҚ-ның Қарағанды филиалында тәуекел-менеджер, «Темірбанк» АҚ-ның Қарағанды филиалында және «Альфа-Банк» ЕҰ АҚ-да орта бизнес бөлімінің басшысы лауазымдарын атқарды. 
• 2015-2022 жылдар аралығында «Қазақстанның Даму Банкі» АҚ-да жобалау дирекциясының несиелік талдаушысы, клиенттермен жұмыс дирекциясының банкирі, аға банкирі лауазымдарында жұмыс істеді. 
• 2022 жылдың наурыз айынан 2024 жылдың ақпанына дейін «Қазақстанның Даму Банкі» АҚ басқарушы директоры қызметін атқарды.
  

«Қазақстанның Даму Банкі» АҚ Директорлар кеңесінің 2024 жылғы 23 ақпандағы шешімімен Банк Басқарма төрағасының орынбасары болып тағайындалды.

Жетекшілік ететін мәселелер: клиенттермен жұмысты үйлестіру, мәмілелерді құрылымдау және талдау, техникалық талдау, ақпараттық-жиынтық жұмыс басқармасы.

«Қазақстанның Даму Банкі» АҚ акцияларына иелік етпейді және үлестес компаниялардың, компанияның өнім берушілері мен бәсекелестерінің тиесілі акцияларының үлесі жоқ.

1976 жылдың 2 қыркүйегінде дүниеге келді   

Азаматтығы: Қазақстан Республикасы

Білімі:

1993-1997 жылдары Қазақстанның Құқықтану және Халықаралық қатынастар институтында (ҚҚХҚИ) «Халықаралық құқық» мамандығы бойынша білім алды. 2013-2014 жылдары Қазақ экономика, қаржы және халықаралық сауда университетінде оқуын жалғастырды, мамандануы – қаржы, онда 2018 жылы Экономика ғылымдарының магистрі дәрежесін алды. 2020-2022 жылдары Renmin University of China, IMBA (Пекин, ҚХР) бітірді.

Еңбек қызметі туралы мәліметтер:

Кәсіби қызметін 1998 жылы ТұранӘлем Банкінің халықаралық департаментінде бастаған. 

• 2003-2007 жылдар аралығында Қытайдың Пекин қаласындағы ТұранӘлем Банкінің Банкинг жөніндегі директоры–Өкілдік басшысының орынбасары және Өкілдік басшысы лауазымын атқарды. 
• 2007 жылдан бастап 2010 жылға дейін Ресей Федерациясының Мәскеу қаласындағы ICICI Bank Eurasia Қаржы институттары бөлімінің бастығы болып жұмыс істеді.
• ҚДБ-да 2010 жылғы 15 ақпаннан бастап жұмыс істейді. Банкте жұмыс істеген уақытта ол Қорландыру және халықаралық ынтымақтастық департаменті директорының орынбасарынан Басқарушы директорға дейінгі қызмет жолынан өтті. 

«Қазақстанның Даму Банкі» АҚ Директорлар кеңесінің 2022 жылғы 25 ақпандағы шешімімен Банк Басқарма төрағасының орынбасары болып тағайындалды.

Жетекшілік ететін мәселелер: қаржы басқармасы, қазынашылық, қорландыру және халықаралық ынтымақтастық, бухгалтерлік есеп, жоспарлау және бюджеттеу департаменттерінің, операциялық департаменттің жұмысына жетекшілік етеді.

«Қазақстанның Даму Банкі» АҚ акцияларына иелік етпейді және үлестес компаниялардың, компанияның өнім берушілері мен бәсекелестерінің тиесілі акцияларының үлесі жоқ.

1982 жылдың 16 қыркүйегінде дүниеге келді  

Азаматтығы: Қазақстан Республикасы

Білімі:

2003 жылы Қазақтың Гуманитарлық заң университетін «Құқықтану» мамандығы бойынша бітірген. «Еңбек құқығы және әлеуметтік қамтамасыз ету құқығы» мамандануы бойынша құқықтану Қаз ГЗУ магистрі дәрежесін иеленеді.

Еңбек қызметі туралы мәліметтер:
Кәсіби еңбек қызметін 2003 жылы АТФБанктің «Отан» ОНПФ АҚ маманы болып бастады.

• 2004-2010 жылдары – «International Bank «Alma-Аta» АҚ, «АБК-V» ЖШС, «АТФ Банк» АҚ заңгер, бас маман, бөлім басшысы және «А.Байтұрсынов атындағы Қостанай мемлекеттік университеті» РМКК аға оқытушысы қызметтерін атқарды.
• 2010-2014 жылдары – «Қазақстанның Даму Банкі» АҚ Заң департаменті директорының орынбасары;
• 2014-2016 жылдары – Қазақстан Республикасының Ұлттық Банкі РМК Құқықтық қамтамасыз ету департаменті директорының орынбасары;
• 2016-2017 жылдары – «Қазақстанның Даму Банкі» АҚ Құқықтық қамтамасыз ету департаментінің директоры;
• 2017 жылғы шілдеден бастап 2020 жылғы наурыз аралығында «Даму» кәсіпкерлікті дамыту қоры» АҚ Басқарма төрағасының орынбасары қызметін атқарды.

Жетекшілік ететін мәселелер: Банк қызметін құқықтық қамтамасыз ету, жобаларды құқықтық сүйемелдеу және кепілдікті қамтамасыз етуді тіркеу, Банктің проблемалық активтерімен жұмыс, талап-арыз жұмысы, жобаларды кредиттік әкімшілендіру бойынша жұмысты үйлестіру.

«Қазақстанның Даму Банкі» АҚ акцияларына иелік етпейді және үлестес компаниялардың, компанияның өнім берушілері мен бәсекелестерінің тиесілі акцияларының үлесі жоқ.

1977 жылдың 28 сәуірінде дүниеге келді

Азаматтығы: Қазақстан Республикасы

Білімі: 

Алматы Экономика және статистика институтын «экономист-бухгалтер» мамандығы бойынша бітірген.

Еңбек қызметі туралы мәліметтер:

• 2002 жылғы қаңтардан бастап «БТА» АҚ-да (Екібазтуз филиалы) ЕҚДБ желісі бойынша кредиттеу секторының жетекші маманы қызметін атқарды.

• 2003-2004 жылдары Астана қаласында «Қазақстан Наурыз банкі» АҚ кредиттеу бөлімінің басшысы қызметін атқарды.

• 2004 жылдан 2008 жылға дейін Астана және Алматы қалаларында «Нұрбанк» АҚ филиалдарында тәуекел-менеджер қызметін атқарды. Әр түрлі кезеңдерде жұмыс істеген кезінде проблемалық кредиттер бөлімін, ШОБ қолдау бөлімін, филиалдық желі бойынша тәуекелдер бөлімін басқарды.

• 2008-2012 жылдары «Қазақстанның Даму Банкі» АҚ Тәуекел менеджменті департаментінің қаржылық тәуекелдерді бақылау және кредиттік тәуекелдерді басқару басқармасының бас тәуекел-менеджері лауазымдарында жұмыс істеді.

• 2012 жылдың тамызынан 2015 жылдың желтоқсанына дейін «Қазақстанның Даму Банкі» АҚ №1 жобалау дирекциясы басшысының орынбасары, бас фронт-менеджері болып жұмыс істеді.

• 2015 жылғы желтоқсаннан 2019 жылғы сәуірге дейін «Қазақстанның Даму Банкі» АҚ Клиенттермен жұмыс жөніндегі дирекциясының аға банкирі болып жұмыс істеді.

• 2019 жылғы сәуірден 2023 жылғы мамырға дейін «Қазақстанның Даму Банкі» АҚ кредиттік талдау және мәмілелерді құрылымдау бағыты бойынша басқарушы директор лауазымын атқарды.

«Қазақстанның Даму Банкі» АҚ Директорлар кеңесінің 2023 жылғы 3 мамырдағы шешімімен Банк Басқармасы төрағасының орынбасары лауазымына тағайындалды.

2024 жылғы 4 маусымнан бастап «Қазақстанның Даму Банкі» АҚ Директорлар кеңесімен «Өнеркәсіпті дамыту қоры» АҚ Директорлар кеңесінің мүшесі болып сайланды.

Жетекшілік ететін мәселер: несиелік, операциялық және қаржылық тәуекелдерді басқару.

«Қазақстанның Даму Банкі» АҚ акцияларына иелік етпейді және үлестес компаниялардың, компанияның өнім берушілері мен бәсекелестерінің тиесілі акцияларының үлесі жоқ.