Жобаның құны 27,7 млрд теңгені құрайды, «Қазақстаның Даму Банкі» АҚ (бұдан әрі – ҚДБ, Банк, «Бәйтерек» холдингінің еншілес құрылымы) 10 жыл мерзімге 10,8 млрд теңге сомасында қарыз берді, сондай-ақ Банктің еншілес құрылымы – «ҚДБ-Лизинг» АҚ (бұдан әрі – ҚДБ-Лизинг) 8 жыл мерзімге 6,5 млрд теңге сомасында лизингтік қаржыландыру берді, қажетті инвестициялардың 10,4 млрд теңге мөлшеріндегі қалған көлемін қарыз алушы – «Eneverse Kunkuat» ЖШС (бұдан әрі – ЕКК) қамтамасыз етеді.
Кәсіпорынды іске қосу салтанатына ҚР Премьер-Министрінің орынбасары Ж.М.Қасымбек, Алматы облысының әкімі А.Ғ.Баталов, Қазақстанның Даму Банкі Басқармасы Төрағасының орынбасары Д.Б.Әубәкіров және ҚДБ-Лизинг Басқармасының Төрағасы Н.С.Байбазаров қатысты.
Банктің қаржы қаражаты Жобалауға, өндіріске және жабдықтар жеткізуге арналған шарт бойынша шығыстарға ақы төлеуге бағытталатын болады. ҚДБ-Лизинг қаржы қаражатының есебінен әрқайсысының қуаты 330 Вт поликремний күн панельдерінің 303 048 бірлігі сатып алынып, орнатылды.
2017 жылғы қазанда Энергетика министрлігі ЕКК-ні жаңартылатын энергия көздері бойынша энергия өндіретін компаниялардың тізіміне енгізді. Жүйелі оператор «KEGOC» электр желілерін басқару жөніндегі қазақстандық компания» АҚ желілерге қосу жөніндегі техникалық шарттарды жедел түрде беріп, әдістемелік қолдау көрсетті.
«Бизнестің жол картасы – 2020» бағдарламасының шеңберінде Алматы облысының әкімдігі 220 кВ жоғары вольтты желінің құрылысын қаржыландырды (233 млн. теңге).
Жоба бойынша электр станциясы жыл сайын 160 млн кВт сағатқа жуық электр энергиясын өндіретін болады, оны сатып алуға «KEGOC» АҚ-ның еншілес ұйымы – Жаңартылатын энергия көздерін қолдау жөніндегі есептік-қаржылық орталықпен келісімшарт жасалды. Күн электр станциясы жылына 150 мың тона көмір қышқыл газының шығарылымдарын қысқартады.
Күн электр станциясының құрылысы 2018 жылғы қыркүйекте басталды. Құрылысын салу кезеңінде 500 астам қазақстандық қызметкерлер, қазақстандық 11 құрылыс компаниялары тартылды.
«ЖЭК саласындағы жобаларды қаржыландыру Қазақстанда «жасыл экономиканы» дамытуға арналған заңнамалық және басқа да жағдайлардың жасалуына байланысты мүмкін болды. Бұдан басқа, ағымдағы жылы Банк корпоративтік сектордың қоршаған ортамен өзара іс-қимылындағы жауапкершіліктің экологиялық аспектілері болжанатын Тұрақты даму саясатын қабылдады», деп атап өтті ҚДБ Басқармасы Төрағасының орынбасары Думан Әубәкіров.
2013 жылы Елбасы Нұрсұлтан Назарбаев Қазақстанның «жасыл экономикаға» көші жөніндегі тұжырымдаманы бекітті, оған сәйкес ЖЭК дамытудың нақты нысаналы индикаторлары қабылданды: 2020 жылға қарай электр энергиясын өндірудің жалпы көлемінде ЖЭК-нің 3% үлесіне, 2030 жылға қарай – 10% және 2050 жылға қарай – 50% үлесіне қол жеткізу қажет.
Президент Қасым-Жомарт Тоқаев өзінің «Баршаға ортақ игілік» атты сайлау алды бағдарламасында (сәуір, 2019 ж.) Қазақстанда ЖЭК дамыту және 2030 жылға қарай электр энергиясын ЖЭК арқылы өндіру үлесін 30% дейін ұлғайту міндетін қойды.
Жаңартылатын ресурстарды пайдалану – «жасыл экономиканың» негізі және бизнесті қолдау мен дамытудың «Бизнестің жол картасы – 2020» мемлекеттік бағдарламасының шеңберіндегі мемлекеттік қолдау шараларының арқасында дара инвесторларда баламалы энергия көздерін өндіру саласына лизингтік қаржыландыру тарту мүмкіндігі пайда болады», - деді ҚДБ-Лизинг Басқармасының төрағасы Нұрлан Байбазаров.
«Қазақстан даму банкі» АҚ (ҚДБ) – 2001 жылы құрылған Қазақстан экономикасының шикізаттық емес және инфрақұрылымдық секторларын жаңғырту және дамыту жөніндегі ұлттық даму институты. Қызметінің негізгі бағыттары: өндірістік инфрақұрылымды және өңдеу өнеркәсібін дамыту, ел экономикасына жәрдемдесу және сыртқы және ішкі инвестициялар тарту. ҚДБ индустриялық-инновациялық даму мемлекеттік бағдарламаларының аса ірі инвестициялық операторларының бірі болып табылады. ҚДБ «Бәйтерек» ұлттық басқарушы холдингі» АҚ-ның құрылымына кіреді.
«ҚДБ-Лизинг» АҚ – «Қазақстан даму банкі» АҚ еншілес ұйымы және «Бәйтерек» ұлттық басқарушы холдингі» АҚ-ның құрылымына кіреді. Компания ҚР индустриялық-инновациялық даму мемлекеттік бағдарламасын іске асыру шеңберіндегі инвестициялық жобаларды лизингтік қаржыландыру мақсатында 2005 жылғы 6 қыркүйекте құрылған.
«Eneverse Kunkuat» ЖШС – қуаты 100МВт КЭС (бұдан әрі – Жоба) салу үшін құрылған серіктестік, Қазақстанның аумағындағы ЖЭК саласында жалпы көлемі 180МВт КЭС және 200 МВт ЖЭК жобалары бар UNIVERSAL ENERGY CO.,LTD компаниялар тобының құрылымына кіреді.
«Қазақстанның даму банкі» АҚ жұртшылықпен байланыс қызметі: +7 (7172) 79 26 08 (www.kdb.kz, facebook.com/kdb.kz, Twitter@KDBkz)
