Бұл жарияланым кредиттік қабілеттілікті бағалауды жариялауға арналмаған және жақын болашақта кредиттік қабілеттілікті бағалау бойынша ықтимал іс-қимылдың индикаторы болып табылмайды. Портфелді шолу кезінде кредиттік рейтингтер мен рейтинг болжамының/шолуының мәртебесін өзгертуге болмайды, демек, оларға осы хабарландыру әсер ете алмайды. Осы жарияланымда аталған қандай да бір кредиттік рейтингтерге қатысты ең өзекті ақпарат эмитенттің/ұйымның www.moodys.com сайтындағы рейтинг қойындысында келтірілген.
Төменде негізгі рейтингтік факторлар келтірілген.
Baa3 эмитентінің жергілікті және шетел валютасындағы және «Қазақстанның Даму Банкі» АҚ («ҚДБ» АҚ) басым борыштық міндеттемелерінің ұзақ мерзімді рейтингі ba3 эмитентінің меншікті кредит қабілеттілігімен салыстырғанда үш сатылы жоғарылауды қамтиды, ол оның бас компаниясы «Бәйтерек» ұлттық басқарушы холдингі» АҚ (Baa3 positive) тарапынан өте жоғары әріптестік қолдау көрсеткенімізді білдіреді. «ҚДБ» АҚ-ның Қазақстанның Ұлттық даму банкі ретінде ерекше құқықтық мәртебесі мен қоғамдық-саяси рөлі бар.
ҚДБ рейтингтері бас компания арқылы бағытталған тұрақты мемлекеттік қолдауды алады, бұл оның капиталдандырылуы мен өтімділігінің негізінде жатыр. Бұл коронавирустың өршуі мен мұнай бағасының құлдырауы аясында Қазақстандағы операциялық ортаның нашарлауы тарапынан банктің меншікті кредит қабілеттілігіне қысымды өтейді, бұл оның активтері мен табыстылығына теріс әсер етеді. Банктің меншікті кредит қабілеттілігі бұрынғысынша жоғары кредиттік шоғырланумен және валюталық тәуекелдермен тежелуде.
Бұл құжат жарияланған күндегі Moody's-тің жалпы ұстанымын білдіреді және өткен кезең ішіндегі рейтинг бағасы шарттарында (егер мұндайлар пайда болса) елеулі өзгерістерді сипаттай отырып, мерзімді шолу туралы кезекті хабарламаға дейін жаңартылмайды.
Осы шолу үшін пайдаланылған негізгі әдіснама - 2019 жылдың қарашасында жарияланған Қаржы компанияларына рейтинг беру әдіснамасы. Осы әдіснамаларды www.moodys.com сайтында «Рейтинг әдіснамасы» бөлімінде онлайн алуға болады.
Бұл хабарландыру ЕО рейтингтеріне және ЕО мақұлдаған рейтингтерге ғана қатысты. ЕО рейтингі жоқ және ЕО мақұлдамаған рейтингтер, егер олар бірдей талдамалық бөлімшенің бір бөлігі болып табылса, қажет болған шамада жоғарыда аталуы мүмкін.
Бұл жарияланымда кредиттік рейтингтің өзгеруі туралы хабарландыру жоқ. Осы жарияланымда аталған қандай да бір кредиттік рейтингтерге қатысты ең өзекті ақпарат эмитенттің/ұйымның www.moodys.com сайтындағы рейтинг қойындысында келтірілген.
